SKALD MED BOK OM HANDPLUKKA STADER I NOREG

Noreg har mange små perler å by på. Blant ei rekke stader som skreddarsyr opplegg for møte og reiser for bedrifter, har Innovasjon Norge i samarbeid med landbruksorganisasjonar valt ut 15 konferansestader. Dei kallar dei «Handplukka». Dei utvalde stadene er ekte og autentiske og gir høve til å oppleve kultur og norske tradisjonar på ein ny og spennande måte. Dei har alle eigenart og sjel, og dei har i tillegg lagt spesielt vekt på kulinariske opplevingar inspirert av lokale råvarer og tradisjonar. Gjennom eit år har forfattar Anne-Karine Strøm og fotograf Esten Borgos samla inntrykk, opplevingar og matoppskrifter til ei ny og fascinerande praktbok. Boka vert lansert torsdag 16. november.

Innb, 22,5 x 24,5 cm, bokmål, 165 sider, kr 348,-